جناب وحید اے شیخ

جناب وحید احمد شیخ چار دہائیوں سے زائد عرصے پر محیط ایک امتیازی کیرئیر کے حامل پروفیشنل ہیں۔ انہیں تیل و گیس کی صنعت کے مختلف النوع پہلوؤں، باالخصوص نجی کمپنیوں کے انضمام اور انہیں جدید تبدیلیوں سے ہم آہنگ کرنے کے معاملات میں بے مثال دسترس حاصل ہے۔ انہوں نے یونیورسٹی آف انجینیئرنگ اینڈ ٹیکنالوجی، لاہور سے مکینکل انجینیئرنگ کی ڈگری حاصل کی اور امریکہ سے اسکالرشپ پر ایم بی اے کیا۔ انہوں نے اپنے کیرئیر کے آغاز پر پاکستان انٹرنیشنل ائیر لائنز (پی آئی اے) اور پاکستان برما شیل (پی بی ایس) میں نمایاں خدمات انجام دیں۔ وہ اس انتظامی کمیٹی میں بطور رکن شامل تھے جس نے پی بی ایس کو پاکستان کی صف اول کی آئل مارکیٹنگ کمپنی میں تبدیل کیا۔

جناب وحید احمد شیخ نے شیل پاکستان میں سپلائی اینڈ ٹرانسپورٹ مینجر اور ریٹیل مینجر کے طور پر خدمات انجام دیں جس کے بعد انہیں سعودی عرب میں ایک ایسی لبریکینٹ کمپنی میں چیف ایگزیکٹیو آفیسر (سی ای او) کا عہدہ سنبھالنے کا موقع ملا جو اپنے استحکام کے لئے جدوجہد کررہی تھی، انہوں نے اپنی پیشہ ورانہ مہارت کا مظاہرہ کرتے ہوئے کمپنی کا کاروبار آگے بڑھایا اور بالآخر آرامکو سے پیٹرومین کے کامیاب حصول کے بعد دونوں کاروباری اداروں کا انضمام کردیا۔ سعودی عرب میں ڈاؤن اسٹریم آئل بزنس پیٹرومین کارپوریشن کے ایک ایگزیکٹیو بورڈ ممبر کی حیثیت سے جناب وحید احمد شیخ نے پیٹرومین ایکسپریس، لیوب چینج ریٹیل بزنس کو آج کی دنیا کا پانچواں بڑا نیٹ ورک بنادیا۔ کمپنی کی اس کامیاب تبدیلی ہئیت کو عمر و ال دباغ کی کتاب ”اومنی پرینیورشپ“ میں بیان کیا گیا ہے۔ حصول اور انضمام کے اس کامیاب تجربہ کے نتیجہ میں وہ دباغ گروپ، سعودی عرب کے چیف آپریٹنگ آفیسر کے عہدے پر فائز ہوئے۔

جناب وحید احمد شیخ تیل و گیس کی صنعت کے علاوہ دیگر شعبوں میں بھی مہارت کے حامل ہیں۔ بطور سابق بورڈ ممبر سپریم فوڈ جوکہ مشرق وسطیٰ میں برگر کنگ کو پروسیس شدہ چکن کے واحد فراہم کنندہ ہیں۔ اور ریڈ سی ہاؤسنگ کمپنی، جو تیل و گیس کی تلاش کرنے والی مختلف کمپنیوں اور مسلح افواج کے لئے 55 ممالک کے دور دراز مقامات پر پری فیبریکیٹڈ ہاؤسز فراہم کرتی ہے، انہوں نے اپنی خدمات انجام دیں۔ وہ گریف پلاسٹک کے سابق بورڈ ممبر بھی رہ چکے ہیں جو سب سے بڑی فلیکس ایبل کمپنی ہے اور اس کے مینوفیکچرنگ پلانٹس ترکیہ، یوکرائن، رومانیہ اور یو کے میں قائم ہیں۔