نان فیول ریٹیل

کوئک سروس ریسٹورانٹس

بلاشبہ پی ایس او اپنے قائدانہ اقدامات کی وجہ سے عالمی سطح پر پہچانا جاتا ہے پی ایس او کی ہمیشہ پہل کرنے کی روایت نے مارکیٹ میں سبقت برقرار رکھنے اور کاروبار کے ہر شعبے میں کامیابی کو ممکن بنایا ہے۔ خواہ یہ فیول بزنس ہو یا سماجی ذمہ داریوں کی ادائیگی پی ایس او ہمیشہ اپنے بے مثال عزم اور جدیدیت پسند ادارے کے طور پر ہر کاروبار میں ممتاز رہا ہے جیسا کہ اس کا نام صارفین کے اطمینان اور بہتری کی علامت ہے۔ پی ایس او دیرینہ خوابوں کو تعبیر دینے میں ہمیشہ کامیاب رہا ہے۔

اس وقت پی ایس او اپنے موجودہ اور ممکنہ کلائنٹس Pizza Hut, Unilever Pak Ltd, Subway Ltd, Bread and Beyondکے ساتھ اپنی’’کوئک سروس ریسٹورانٹس‘‘ کی سہولت ملک گیر سطح پر توسیع دینے کے لیے مصروف عمل ہے۔ اس شعبے میں پی ایس او کا مستقبل روشن اور امید افزاء ہے اسی لیے پی ایس او کی لغت میں ہمیشہ ایک ہی بات مستقل رہی ہے کہ اس طرح کی مثبت تبدیلی کے لیے یکسوئی اور تبدیلی کی لگن برقرار رکھنا ضروری ہے۔

Pizza Hut

آئل مارکیٹنگ کمپنیوں میں ایک بار پھر سبقت لیتے اور صارفین کو سہولت کی ایک نئی جہت سے روشناس کراتے ہوئے پی ایس او نے سرفہرست عالمی pizza چین Pizza Hutکے ساتھ لاہور میں معاہدہ کرکے ایک نئی تاریخ رقم کی۔پی ایس او ے دسمبر 2007میں اس معاہدے کے ذریعے ایک نیا رجحان قائم کیا جس سے پی ایس او اسٹیشنز میں مزید سہولیات مہیا کرنے کی بھی راہ ہموار کردی۔ پی ایس او نے پہلا Pizza Hut آؤٹ لیٹ سن گرجا چوک کی تاریخی جگہ پر واقع اپنے سن شائن پیٹرولیم اسٹیشن میں قائم کیا۔ قومی کمپنی کی تاریخ میں یہ ایک سنگ میل تھا جس کا مقصدصارفین کو اس طرح کا ویلیو ایڈڈ پلیٹ فارم اور راستہ فراہم کرنا تھا جو پی ایس او کے ریٹیل فیول پورٹ فولیو کے لیے ایک قابل تعریف قدم ہے(جب کہ کمپنی مارکیٹ میں سبقت اور سفید اور بلیک آئل میں مجموعی طور پر 70فیصد مارکیٹ شیئر رکھتی ہو) جو پی ایس او کو کمیونٹی کے دل اور دماغ میں اپنی پسند یدہ ’’ون اسٹاپ‘‘ مقام بناتا ہے ۔

اے ٹی ایمز

پی ایس او نے پہلی آئل مارکیٹنگ کمپنی اور غیر مالیاتی ادارے کی حیثیت سے ایک اور سنگ میل عبور کرتے ہوئے صارفین کو مالیاتی خدمات کی سہولت فراہم کی۔ پی ایس او نے دسمبر 2006میں اپنے اسٹیشنز پر اے ٹی ایم کی سہولت متعارف کرائی تاکہ صافرین کو آسان اور باسہولت ویلیو ایڈڈ فنانشل سروسز مہیا کی جاسکیں۔ ہمار ا سفر یہیں ختم نہیں ہوا ہم اپنے صارفین کی ضرورتوں کو پورا کرنے کے لیے مسلسل اقدامات کرتے ہوئے درج ذیل سہولتیں مہیا کررہے ہیں:

• نقد رقوم نکلوانا
• منی بیلنس شیٹ
• فنڈز کی ایک جیسے اور مختلف بینکوں میں وصولی اور منتقلی کی سہولت
• یوٹلیٹی بلز کی ادائیگی
• موبائل بلوں کی ادائیگی
• اے ٹی ایم کے ذریعے اکاؤنٹ تک رسائی کے لیے فنگر پرنٹ اسکینرز کی تنصیب(جلد متعارف کرائی جائیگی)
• نقد رقوم یا چیک ڈپازٹ کی مشین(جلد متعارف کرائی جائیگی)
• ڈرائیو تھرو اے ٹی ایم(جلد متعارف کرائے جائیں گے)

اس وقت یہ سہولیات کراچی، لاہور، اسلام آباد، راولپنڈی، فیصل آباد، ملتان اور پشاور کے 62مقامات پر مستحکم ساکھ کے حامل بینکوں کے اشتراک سے دستیاب ہیں جن میں اسٹینڈرڈ چارٹرڈ بینک، الائیڈ بینک لمیٹڈ اور حبیب بینک لمیٹڈ شامل ہیں۔ پی ایس او جون 2014تک اے ٹی ایمز کی تعداد 100تک بڑھانے کی خواہاں ہے۔ بینکوںں کے ساتھ اس شراکت داری کے ذریعے صارفین ملک کے بڑے شہروں کے نمایاں پی ایس او اسٹیشنز پر 24گھنٹے محفوظ اور باسہولت اے ٹی سروسز سے استفادہ کرسکتے ہیں ۔ اے ٹی ایم کی سہولت تمام Mnetاور 1Linkکے رکن کارڈ ہولڈرز کے لیے دستیاب ہے۔ یہ بنیادی طور پر ملک گیر سطح پر ہفتے کے سات روز چوبیس گھنٹے ون ونڈو سہولت کی فراہمی کی جانب ایک قدم ہے۔ 

ان بینکوں کے ساتھ پی ایس او کی شراکت کا مقصد صارفین کو ایک پی ایس او کے اسٹیشنز پر یادگار تجربے کو یقینی بناتے ہوئے اس احساس کو مضبوط بنانا ہے کہ پی ایس او فیول کی فراہمی سے بھی بڑھ کر صارفین کو سہولت فراہم کرتا ہے۔ یہ اقدام پی ایس او کے ان اقدامات میں سے ایک ہے جو صارفین کے لیے سہولت کی نئی جہت قائم کرتے ہوئے خدمات کی مسلسل فراہمی کا زریعہ بنے ہوئے ہیں۔